內衣是女士的閨中恩物，雖然如此私人的東西曝光率極低，但每季入貨款式、金錢和數量絕不比外殼少。新季新內衣多到花多眼亂，今勻有升呢性感尤物「花旗Wing」試盡惹火歐洲內衣。有真人示範，要揀心水款當然SoEasy！
記者：葉雪芯
攝影：周旭文
Model：Wing@puremodels
Makeup&Hair：Hilary@colouryourfaces
廣告女「花旗Wing」試盡新Bra，各位大飽眼福。
「花旗Wing」專攻粉色
過咗火辣暑假，無Bikini、無小背心熱褲，o靚模露肉風潮算是告一段落。位位擔心人氣回落之際，惟獨「花旗妹」陳家穎（Wing）異軍突起，靠姣出位，憑住銀行財務廣告彈出，成為狗仔隊跟蹤目標。去到沙灘就話玩水中剝，上到岸就當然着番衫，即場示範新季內衣。咪以為Wing為人好Open，其實揀內衣方面，款式則鍾情可愛Cutie：「太花巧Lace其實我比較少着，最喜歡就係粉色系、蝴蝶結、心心圖案等等，比較適合我性格。」除了揀可愛款，Wing對於內衣細節位都好有要求，而且特別注意Bra帶款式：「有時着Tube都會露Bra帶，所以最好揀有花邊或者小配飾的帶就最易襯衫！」
英倫牌S-City轉風
英牌S-City來港短短三年，已經吸到一班OL做Fans。一向主打英倫維多利亞式Lace花款，不過今季的秋冬設計就一反常態，反而大玩可愛味道，出盡格仔、波點、橫間等，在細節位上更加配了大量的蝴蝶結、棉質花邊、粉色Pattern，風格較簡約，驟眼睇仲有點東瀛可愛Feel。今季最特別的還有襯褲配上了性感Lace吊襪帶，配搭短裙式短褲就更方便誘人。講到近年內衣潮流少不得型格的馬甲，S-City馬甲一向都有不少OL捧場，因為其馬甲設計共有四條軟塑條，有助收起贅肉，令線條更完美，其中主打款式有神秘黑色配搭粉紅色的緞帶，可愛中帶英氣。
新牌仔歐洲玫瑰
S-City今季大賣可愛，另一新到港的歐洲牌18eighteen則玩年輕熟女的LadyStyle。用法式經典的刺繡Lace、歐式花繪和彩色絲帶為主，圖案花紋令內衣杯形看起來十分有層次感，甚至視覺上有效令胸部看起來更立體。其中最拿手的「玫瑰」花繪在今季的內衣款式之中擔正主角位置，特別是胸前的流蘇小吊飾，法式風情得來又有點中國風，女人味夠晒！當然，一分錢一分貨，刺繡花咁考功夫的18eighteen，價位亦比較貴，但直情與藝術品有得揮的內衣，淨賣手工都物有所值啦。
EasyShop（28939711）
灣仔軒尼詩道392-394號齊安大廈地下