熊黛林不獲確認城嫂，發展順利的Angelababy，同樣不認陳偉霆是男友。早前Baby和陳偉霆被影到過夜20小時，Baby前晚口啞啞滴住汗，甚至扮貓爪發誓否認拍拖。Baby自言太瘦似外星人，但為免被指抄周秀娜，寧願認做喪屍都不做外星人。
現年20歲的Angelababy（楊穎）前晚帶新人亮相，偕較她年長的21歲師妹陳詩雅（Sarah）及24歲的楊汀叮（Christine），到迪士尼樂園玩。Baby在場與約100位fans、非牟利機構「生命工場」年輕人分享自己的夢想和工作。
緊張滴汗口啞啞
Baby之前被拍下到陳偉霆（William）家過夜20小時，昨日她否認過夜，更指同行有多個朋友，問她可是經理人Kim不准拍拖，她說：「我同任何人拍拖都有自由嘅，唔會囉，我係想專注工作。」她多次指William只是好朋友，記者指她不肯認William，她聞言有點尷尬說：「大家都係好朋友囉，我哋識咗咁耐，一齊係好朋友，好close嘅好朋友。」
Baby續說：「20歲拍拖好正常，但我工作太忙，好多人想知我私生活，我都會好驚，寧願大家focuson我工作。」問她可是怕流失fans？她說：「唔係，我好多fans都鍾意佢。」何不大方承認？她欲言又止，緊張到口啞啞，滴着汗說：「我哋係好朋友囉。」記者叫她發誓，她尷尬說：「唔好啦，唔好發誓，我唔信呢啲嘢。」之後半開玩笑扮貓爪發誓，否認拍拖。
寧做喪屍避抄襲
提到工作，Baby透露在電影《花田囍事》扮男仔，可要紮胸？她儍笑說：「我有需要咩？啲衫都鬆身，唔使啦。我太瘦，好似外星人。」之前莊思敏正正指她宿敵周秀娜是外星人，Baby聞言訝異說：「吓，我唔知喎，咁我似喪屍啦。」
採訪：JessicaNgan
攝影：ChanShunChing