喜賭冷門嘅朋友，不應錯過今晚歐洲嘅大派對，啱晒刀仔鋸大樹，小注博冷睇波最合。但我首選冇得播嘅瑞士迎以色列開入球「大」，賀前者直接出線。
已慣了國際賽小注怡情，欣賞吓另類賽事，好似上周六，俄羅斯狂攻德國，失機頻頻兼有兩個12碼球證不判，就咁輸了首名資格給德國；又見捧瑞典不敗，只見伊巴貴為世界數一數二球星，卻向來喺國際賽無頂級風範，你急佢唔急，無厘頭輸個遠射俾丹麥，唉，沮喪場面一個接一個，好彩小注玩吓，你激我唔死嘅！
捧關鍵大戰激氣，但戥人高興嘅派對，我從來都怕參與其中，你要攞威晒命唔代表我要落叠，英意德法單W雞肋，係「粉絲」都冇咁笨盲捧；緊記，賭波對普羅球迷，幾時都應以賠率行先，見某隊臨起票即飛撲推介，奉票數流向為神明，無知戇居，唔通電視台有江湖術士也有寶藥黨？
以軍作客夠主動
今天先捧瑞士迎以色列開「大」，有競賽意義，以軍作客經常採主動，入到波亦失得多，主隊亦不會死守求和博一分足夠直接進軍南非，入球「大」比瑞士單W好分；過關捧戰意最虹嘅洪都拉斯打贏薩爾瓦多出線；再串法國在無謂賽事迎奧地利開入球「細」，法國喺呢類派對，最叻揸流攤。（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三8瑞士大（1.92）
星期三27法國細（1.9）x星期三33洪都拉斯勝（1.78）2x1
簡評：今晚歐洲開派對，波友不要太認真