容祖兒（Joey）昨日以大露背出席代言護膚品發佈會，看完密友何韻詩演唱會便即飛馬來西亞拍廣告，而前晚阿詩於慶功宴透露對Joey行蹤十分清楚，但Joey表示完騷後未有聯絡過阿詩。
回味面貼面
演唱會中獲阿詩憑歌寄意，問Joey是否冧住離場？她笑說：「個騷咁好睇梗係回味，呢啲係你哋（傳媒）編織嘅動人故事。」阿詩表明有套歌衫照抄Joey，Joey表示因已離開未有看到阿詩穿那套歌衫，但看報後卻覺不似，反似太空人多點。
有記者提議Joey下次邀請阿詩當個唱嘉賓，Joey竟心水清指05年演唱會阿詩曾上台合唱《隆重登場》，翻查資料二人果然有合唱，更在台上擁抱兼面貼面，難怪Joey會記掛在心。對於阿詩望住唱情歌《一見動心》及表示要珍惜眼前人，Joey笑說：「我想嘔，唔好對我講呢啲咁嘅嘢。」
採訪：馬建華
攝影：彭琮然