鼠王芬上星期喺立法會講解佢對性騷擾嘅定義，佢話一個眼神都可能構成性騷擾，令在場一眾議員嘩然。
鼠王芬噚日向八方解畫，話當日時間所限，講得唔太清楚，其實佢嘅意思係，如果一個男人用「猥瑣嘅眼神」，望住一個女性敏感部位超過五秒，令女士產生不安，咁先構成性騷擾。所以不時被鼠王芬望到嘅同僚，唔好誤會鼠王芬向大家示愛喇。
自稱經常被求助
點解鼠王芬又咁有心得呢？佢話自己雖然冇被騷擾嘅經驗，但就經常成為性騷擾受害人嘅求助對象；好似佢喺城大入面，都接過女學生嘅求助，亦有職員同佢講話畀上司騷擾。佢估計，女受害人向同性訴苦容易啲，所以搵佢。