傅穎合約風波不斷，帶挈好友、金牌棄將楊愛謹（Miki）都密密出騷見報，Miki更自爆公司疼錫她，為她雙腿買6位數保險。陳法拉早前在劇集穿胸圍出鏡，曾傳和她爭寵的諸葛梓岐昨日口上說不評論，但忍不住暗寸對方：「佢要脫，大家咪睇吓囉！」
傅穎轉會合約糾紛，不但令她日日見報，連帶同公司的劉心悠、傅穎死黨楊愛謹（Miki）等，都齊齊旺場旺job，密密出騷搵錢。
獲Stephy邀請
一連幾天開工的Miki，昨日在中環出席Bauhaus手袋騷，她在台上動作生硬，但依然成功搶去同場諸葛梓岐、孖住師妹王歌慧（Emily）行騷的文詠珊（JaniceMan）的風頭。
Miki台下心情興奮，她說：「家日日出動，密密接密密賺。好開心原來好多人鍾意自己，啲品牌都搵番我。」她謂多得在方力申封套上露雙腿，帶挈雙腿受注意，她說：「啲客要我騷腳，公司知我大頭蝦，下令我要小心，佢哋會幫我對腿買重保險，買6位數字喎。因為身體好重要，呢行高危行業，仆倒都會傷晒。」
Miki又直認身材不夠好，不吸引，不會穿泳衣內衣，拍戲除外。問到若舊公司金牌大風向她招手拍片？她即說：「如果佢搵，當然開心啦，我唔係睇邊間公司，係睇劇本決定接唔接囉。」鄧麗欣（Stephy）舉行生日會，她透露獲SMS邀請，但未知能否出席，問到有否請傅穎，她則表示不知情。
Marie寸法拉剝衫
諸葛梓岐（Marie）和Neway太子爺薛嘉麟拍拖，陳法拉則和薛嘉麟胞兄薛嘉恒拍拖，諸葛梓岐和陳法拉傳爭寵不和，之前陳法拉在電視劇穿胸圍演出，向來拒接內衣騷的Marie說：「有睇，但唔想講佢囉，因為唔方便，佢過到自己嗰關就得啦。」不會私下問問感受？她即說：「唔會問，又唔關我事。佢OK，屋企人OK，佢要脫，大家咪睇吓囉。」
採訪：LawWaiMan
攝影：PangChungYin
