劉嘉玲前晚出席慈善派對時自言久待在家會悶到病，寧願珍惜工作機會。然而，她對斷手後復工的老公梁朝偉感到心痛，指他太瞓身拍電影不知自己年紀大，叮囑老公不要太搏命。
劉嘉玲前晚在中環出席SalvatoreFerragamo的關懷乳癌「StepintoPink」派對，同場還有何超儀（Josie）與老公陳子聰、王敏德與馬詩慧、潮人黃偉文、已故賭王傅老榕孫女傅潔恩等，名模「翻版關之琳」Jocelyn和CaraG.則演繹新裝。嘉玲自言戒了煙5年，又有做乳房檢查，她說：「我唔識check，初時檢查都尷尬，但呢樣係必須。」她謂梅艷芳的死令她警覺要關注身體。問她可會減產免操勞？她說：「冇話減產，我enjoy工作，家要求係唔要辛苦，要應付得到。」
網友較冧張曼玉
講到關之琳呻拍戲辛苦而退休，嘉玲說：「每個人追求嘅生活唔同，佢唔拍而令自己開心，點解要拍啫？我呢，呢個世界好多人失業，自己有能力同機會，我會珍惜。」記者指她應和王菲分享看法，嘉玲說：「每個人唔同，我唔可以長期留喺屋企，太耐我會病。」現年47歲的梁朝偉之前拍《一代宗師》斷手，近期才復工，嘉玲對此說：「唔擔心，佢有替身。」之後笑着補充說：「我都唔想佢咁搏，佢唔知自己幾歲呀，不過我哋心境好後生，應付到都OK。」問到生育大計，她就一貫口吻表示隨緣。
雖然嘉玲心痛偉仔，但網友似乎覺得偉仔和張曼玉更合襯，台灣網站Yahoo!奇摩電影，為《一》片舉辦「誰最適合演出梁朝偉的老婆」選舉，候選包括劉嘉玲、張曼玉、湯唯、章子怡、舒淇、楊紫瓊、徐熙媛和林志玲，最後張曼玉以近6千票贏出，嘉玲則奪4千多票。至於有望在《一》片中扮葉問太太的章子怡排倒數第2，只贏楊紫瓊。
超儀准子聰睇AV
同場的何超儀之前與日本AV女優蒼井空見面，問她可看過蒼井空的AV片？她說：「冇睇過，子聰就睇過，我會容許佢，佢有咁嘅自由。」早前o靚模現象爆發，Josie在blog內狂鬧，近期周秀娜上科大開talk，Josie不願再評論，只解釋開blog事件純粹繙譯出錯，她說：「我唔係話佢哋係低級嘅雞，只係唔鍾意、唔尊重呢種表演形態，但我尊重呢種passion。」
採訪：RitaLeung
攝影：WongWaiHung
粉紅義賣抗乳癌
每年10月是國際乳癌關注月，SalvatoreFerragamo和CRYSTALLIZED施華洛世奇元素前晚舉辦「StepintoPink」派對，為香港癌症基金會的粉紅革命籌款，派對以粉紅色為主題，來賓都dressedinpink以示支持。
名模CaraG.及「翻版關之琳」Jocelyn等，示範特別推出的PinkCollection限量版義賣品，包括水晶tee、平底鞋和sneakers，另外又展出拍賣的特別版晚裝鞋。在IFC二期頂層，更會一連四晚亮起粉紅燈光，名為「粉紅之光」亮燈行動，喚起全城關注乳癌。
