【深圳直擊】孟瑤、周秀娜和湯盈盈等有料之人，昨日在深圳錄影無綫節目《無敵獎門人惡鬥美女廚房》，分組進行水上競技，o靚模們空有青春，玩遊戲時手腳遲鈍，不敵玩慣獎門人遊戲的湯盈盈，孟瑤以34D巨胸頂碗，周秀娜更不慎跣倒，非常狼狽。
無綫遊戲節目中，以《超級無敵獎門人》和《美女廚房》最受觀眾歡迎，昨日大會安排近日升呢的周秀娜，與椋名凜、莊思敏、裴殷（A.Lin）、陳爽、梁靖琪（Toby）、HotCha、湯盈盈、孟瑤和黃榕等在深圳華僑城內的人造沙灘錄影節目《無敵獎門人惡鬥美女廚房》，眾o靚模代表美女廚房隊，惡鬥湯盈盈為首的獎門人隊。
美味天使水着搶鏡
眾女換上泳裝打底，外穿T恤以作識別，美味天使陳蕊蕊和陳家穎穿上比堅尼，豐滿上圍呼之欲出，非常搶鏡。當她們分組進行水戰時，首先分組在水上浮墊運送一碗碗煮好的麪，結果Toby和湯盈盈的一隊身手最靈活，隊員孟瑤最後運送13隻碗時，她的34D巨胸大派用場，頂着碗時身材盡現。反而敵方的o靚模們空有青春本錢，全部笨手笨腳，周秀娜在送麪時不慎跌倒，莊思敏和A.Lin更跌入水中，大出洋相，同組的椋名凜僅運送5隻碗都跌倒，又打爛所有碗，她的右腳還被割損流血。
當進行分組在軟墊互推下水遊戲時，o靚模們終反敗為勝，現場所見，周秀娜與揶揄她是外星人的莊思敏十分好傾，周秀娜笑說：「外星人唔識地球，所以要地球人帶住。」對於玩遊戲時蝦碌盡出，她說：「自己因為冇乜墨水，都唔想玩到一肚水，之前都有練習。」無綫總經理陳志雲早前下旨禁o靚模出鏡，周秀娜說：「唔會，呢啲係娛樂節目，希望大家睇得開心，佢應該好鍾意綜藝節目。」
莊思敏認寸周秀娜
莊思敏否認與周秀娜不和，她說：「其實我哋有時會互寸同講笑，佢有時唔明我講嘅嘢，所以先笑佢講外星語。」問到昨日可是刻意扮友好？莊思敏說：「我哋同公司，唔會影響相處。」此外，問到鄭中基可有信心以該節目對撼亞姐？他說：「我冇睇亞姐，但我哋呢班女仔唔失禮，有80分。」
採訪、攝影：曾小嘉