懷胎6個月的范姜和5個月的鄭詩韻，前晚在派對上密密傾生仔經。范姜自言重了10磅，她說：「家個肚大咗，重到抱唔起個女，佢都有啲唔開心，家佢要考小學，要interview，個女好興奮，我就有壓力。」
大B女台灣寄宿
范姜透露鍾鎮濤（阿B）的14歲大女鍾嘉晴去了台灣升學，她說：「因為唔捨得佢去英國、美國咁遠，家喺台灣讀寄宿學校。B哥之前送佢走，喺機場喊晒，喊到唔捨得畀佢上機，之後啲屋企人個個都喊。」
鄭詩韻則自爆陀仔一日食三餐，令她暴肥，身材連升兩cup，她說：「由結婚到家重咗26磅，好重磅，好在Alan（老公陳鴻業）都肥咗，我5個月肚，佢好似陀6個月咁，令我冇顯得咁肥。」