【本報訊】民主黨立法會議員甘乃威被揭求愛不遂解僱女助理一周後，民主黨主席何俊仁坦言，事件已對該黨造成傷害，並令該黨公信力「一定差咗」。他又首度證實甘乃威曾以「不應再連累民主黨」為由，提出辭去議員一職，但何認為，甘既然堅稱無犯上被指控的罪狀，應有權自辯，故毋須退黨。不過，何俊仁強調，事件經獨立調查後，「如果佢（甘乃威）否認咗嘅指控，最後原來係證據確鑿，邊個仲有尊嚴留喺度？」
記者：林俊謙
何俊仁昨日接受商業電台訪問時，證實早前甘乃威曾提出辭職的消息，他指事發後甘乃威曾詢問他「應唔應該累民主黨，應唔應該退黨」，何認為，既然甘堅稱無犯上被指控的罪狀，應有權為自己答辯，故告訴他毋須退黨，他形容甘是「同我哋一齊奮鬥嘅同志」，不想對方「出咗事」，就與對方劃清界線。
何俊仁說：「呢個唔係作為一個有共同理念、共同理想嘅政治組織應有嘅團隊精神。」
事件中，女事主獲賠一個月代通知金，亦獲逾10萬元額外賠償，何俊仁昨日仍拒絕確認，只稱女事主始料不及今次事件曝光，「相信稍後調查時，呢啲（資料）係會公開」。何又指，該黨的賠償是對女事主失去入息後一段時候的合理補償，強調女事主絕非只是為錢，「就乜嘢公道都唔要，當成係收口條件。」
「有如放下一個重擔」
何俊仁相信甘乃威將配合立法會進行的獨立調查，指調查若能證明甘原來否認的指控成立，後果將相當嚴重，指甘屆時「自己都唔好意思」繼續擔任公職，「如果佢（甘乃威）否認咗嘅指控，最後原來係證據確鑿，邊個仲有尊嚴留喺度？」
他指立法會上周五通過調查事件，是最好不過的做法，令他「有如放下一個重擔」，強調該黨對犯錯人士絕不姑息。
甘乃威事件已對民主黨造成傷害，何俊仁坦言：「點可能對黨嘅公信力無影響？一定係差咗」，他認為該黨堅守讓黨員辯解原則的同時，亦有地方需吸取經驗，包括做好黨內部指引，並更關注議員解僱僱員的程序，「無論乜嘢理由解僱都好，如果出現糾紛，一定要有好嘅調解機制」，指該黨的組織部將會研究接受投訴的機制。