下個月25號係賭王何鴻燊88歲生日，最近有消息指賭王會喺生日前出院。噚日三太陳婉珍早上9點去到養和醫院，問佢有關消息是否屬實，佢話：「醫生冇講過，呢個問題我答唔到大家。」再問到三太家係咪幾房人計劃同賭王慶祝生日，佢就話仲傾緊。此外二太藍瓊纓、何猷龍及何超蕸都有到醫院探望賭王。