羅家英雖然已跟汪明荃結婚，但他為人幽默，前晚拍攝電影《我要做o靚模》時，便大受o靚模歡迎，眾女包圍羅家英，令他化身女人湯圓，當中擁36D巨咪的趙碩之更姣冧羅家英，還拿相機跟他大玩自拍。
因失言被經理人掟入雪櫃的趙碩之，近日解凍後，即與賈曉晨（JJ）、王璐瑤、周柏豪、羅家英和陳若嵐（Melody）等演出新片《我要做o靚模》，前晚眾人在觀塘拍攝派對戲份。打扮密實的趙碩之，風騷姣冧已婚的羅家英，令他暈大浪。
趙碩之跟羅家英有不少對手戲，現場所見兩人非常稔熟，趙碩之更拿着相機跟羅家英玩自拍，JJ和王璐瑤也冧他，趙碩之說：「我終於明阿姐（汪明荃）點解同家英哥結婚，佢好幽默，我好尊重佢。」
考慮全裸拍寫真
有指上圍36D的趙碩之為迎戰從台灣闖港的33F郭書瑤，會推出冬季寫真集，更有意全裸上陣，她說：「唔知，經理人計劃緊，其實我幾介意全裸，但為咗靚，會同公司同家人商量。」她又讚瑤瑤可愛說：「我都想同佢合作，識多個台灣朋友，又想去佢嘅抱抱會。我唔覺得受佢威脅，我呢啲小兒科，唔會因為人哋身材勁而踩低自己。」
JJ曾被拍到因趙碩之NG而露出不滿的樣子，她解釋：「我個角色好cool，可能太投入。我同趙碩之好好，拍完戲會一齊食飯，多女仔就會傳不和，但我唔介意傳緋聞。」她想傳同性戀還是異性戀？JJ說：「我梗係揀周柏豪，但拍戲時都忍唔住望趙碩之個胸，仲問佢跑步會唔會『震震』吓，佢答有啲辛苦，我寧願有佢咁大（胸）。」
採訪：何慧斯
攝影：陳俊強