【本報訊】九龍城聖德肋撒醫院因電腦掃描報告出錯，幾令巿民無辜割膽，院方早前向事主致歉，承諾退回電腦掃描費用，又考慮豁免首名醫生的費用，事主不滿醫生當日未有詳細檢查，妄下判斷，計劃向醫務委員會投訴。他又認為私家醫院應跟公立醫院一樣，提高透明度，讓巿民清楚醫療失誤的資訊。
事主：真係混帳
有線電視昨向聖德肋撒醫院查詢時，院方以事主要求不能公開事件作擋箭牌，拒絕確認險被割錯膽的個案，事主張先生表明從未提出此要求，「私家醫院貴過公立醫院，為公平起見，私家同公立都應該向外公佈醫療事故，病人真係好需要呢啲資訊。」
張先生表示，希望當局正視醫療失誤，他會向醫務委員會投訴，「佢都冇按我個膽，又冇問我食唔食到嘢，就話我個膽有事，要我吊鹽水，隔籬床都係肚痛，又係腎有事，都唔使吊。」住院首天他吊了四包鹽水，翌日也吊了一包，直至換了另一名醫生診斷後才停止。
腎病科專科醫生何仲平相信，吊鹽水是方便進行靜脈注射，「同埋做手術因為全身麻醉，都會叫病人唔好食嘢。」但張先生表示，院方根本沒要求他禁食，「我又唔係冇胃口食唔到嘢，仲食咗魚蛋粉㖭，佢唔理三七廿一就話要吊鹽水，真係混帳。」