亞視王牌節目《香港亂噏》今晚將再度出擊，前晚一眾扮嘢高手如盧海鵬、吳麗珠和林超榮等齊集大埔亞視總台錄影首集，大玩近期熱爆新聞如曹格側田醉酒格鬥和光纖之父獲諾貝爾物理學獎等，大放笑彈。
新一輯的亞視節目《香港亂噏》於今晚推出，前晚眾藝員包括盧海鵬、林超榮、姜皓文、鄭啟泰及新加入的吳麗珠等於大埔亞視總台錄影，繼續以時事新聞及熱門話題做內容，眾演員扮演熱爆人物，如盧海鵬扮近日獲頒諾貝爾物理學獎的光纖之父高錕，不過他則化身為「高昆」，他說：「我有老人癡呆症，會失憶同亂講嘢，將光纖講為牙籤。」
笑曹格側田打交
盧海鵬之後又扮成「業問」，吳麗珠扮「葉劉熟宜」和鄭啟泰扮「甘奶威」等，他們又以早前曹格和側田醉酒格鬥大放笑彈，其中兩位演員扮成「嘈格」及「執田」，重演街頭打架事件，又聲稱是猜枚才大打出手，因執田猜輸，嘈格要他除帽，但執田不肯除才大打出手。
接着又有所謂的士司機提供片段，當中嘈格大叫：「明明輸咗，但又唔除帽。」而執田則說：「除帽即係等如除底褲，梗係唔除。」扮業問的盧海鵬笑說：「佢兩個功夫咁渣，一個黐手就可以除咗頂帽。執田頂帽有名，叫o靚帽，係細一個碼，所以除唔甩。」
甘奶威回鄉揼骨
另外，他們又擺甘乃威解僱女助理一事上枱，一班議員質問扮甘奶威的鄭啟泰為何要帶黃小姐北上揼骨？甘奶威解釋：「咁係要證明我有回鄉證，體驗揼骨，睇吓骨場喺一國兩制下嘅好處。」在旁扮白韻琴的笑說：「曾經有人推薦黃助理畀阿Paul，但結果冇請。梗係唔請，請咗家有事嗰個唔係甘奶威，係阿Paul，我同佢一齊咁耐，唔知佢係乜嘢人咩？」擺明寸當日傳謝偉俊追青島靚女的緋聞。
採訪：楊潔雯
攝影：黃偉雄
