林嘉欣雖然是星皓公司的一姐，但最近有說她在年底約滿後會離巢，自組公司回復自由身，據聞由於嘉欣有離心，星皓才會打傅穎主意，希望製造第二個神話出來，把Theresa捧紅。
「多個人仲熱鬧」
對於Theresa的加盟，嘉欣昨日回應說：「好歡迎佢加入公司，將來我哋仲可以合作拍戲，唱歌我諗就唔會啦，因為我唔會喺歌壇發展。」
劉心悠對於Theresa加盟也是十分歡迎，認為公司以後會更加熱鬧，她說：「我同佢都係喺同一間髮型屋整頭髮，所以以前撞過面啦。公司多簽一個人，我唔認為係惡性競爭，相信公司會適當咁幫旗下藝人安排工作，家公司又多一個藝人，其實咪仲熱鬧。」
採訪：葉雪
娛樂資料庫：星皓三小花
－傅穎－
年齡：25
出道：兼職模特兒出身，02年成組合Cookies成員，解散後遭投閒置散，至07年始出個人大碟扮日本妹吸納少年fans。
電影代表作品：《九個女仔一隻鬼》
曾獲獎項：IFPI香港唱片銷量大獎最暢銷本地女新人獎
－劉心悠－
年齡：28
出道：原名劉凡平，生於台灣，因拍航空廣告獲賞識，後加盟星皓擔正主演《阿嫂》。
電影代表作品：《阿嫂》
曾獲獎項：沒有
－林嘉欣－
年齡：31
出道：台灣出生，曾簽約台灣音樂人張洪量任經理人，不歡而散，更因合約問題停工。01年加盟星皓即獲力捧。
電影代表作品：《男人四十》、《異度空間》、《怪物》
曾獲獎項：處女作《男人四十》連摘金像獎及金馬獎最佳新人及女配角獎，最近憑《親密》在韓國忠武路國際電影節首次封后。
資料來源：《蘋果》資料室
