這陣子，球壇及馬壇均盛事頻頻。球迷們肯定不愁寂寞，事關具決定性的尾二輪世界盃外圍賽今晚將舉行，各位實行捧場睇通頂啦！賽馬方面，法國凱旋門大賽才剛結束，明天又有本地一年一度的「婦女銀袋日」，小妹當然不會錯過這個奉旨扮靚的盛會呢！
今晚最關鍵的一場球賽，當然是俄羅斯對德國的分組首名爭奪戰，小妹認為與其估誰勝誰負，反而選「入球大細」更好！
德國爭入場券有優勢
現時德國領先俄羅斯1分，今晚一戰後，兩隊最後一場只分別面對弱旅。首循環險勝俄羅斯2:1的德國，今晚再挫對手即取決賽周入場券，即使和波，仍保主動權。德國的快速機動突擊極具威脅，雖然早前「轟炸機」武勒炮轟過新一代國家隊前鋒，但他亦同時稱讚「同宗」湯馬士梅拿左右腳純熟兼有速度。相信今場高路斯、馬里奧高美斯及普多斯基等，定必要以入球來回應前輩的批評。
俄羅斯若想獲得直接出線權，今晚亦非勝不可！預料今仗他們將主動搶攻，利用主場之利爭取盡快入球。猶記得兩年前俄羅斯主場對英格蘭的關鍵一戰，最終以2:1反勝，今晚歷史可否重演？齊齊收睇直播吧！
貼士：入球大細：星期六19俄羅斯大（1.82）
文：Kit
有線球彩台主持
Phone波熱線：1831678
9:00pm至2:30am
電郵：[email protected]