【上月燈神】8年前嘅今日，我最愛最敬重嘅三舅父離開咗我哋，今日係個特別日子，每年呢個時刻畢傑都特別失落。趁住星期六放假，今朝我會早啲起身去柴灣同佢傾吓密偈，同佢講佢個孫仔滌滌好乖，如果舅父仲在世，呢個臭臭一定係佢嘅至愛。
之後嘅例牌節目，梗係同媽子飲餐茶，然後再打番幾圈台灣牌，再嚟全家食餐好嘅晚飯。如無意外，對手得閒出席嘅話，今晚會打埋場士碌架決賽另一個回合；攞唔攞到冠軍對我唔重要，話晒首次參加公開賽，最緊要有盃落袋。既然殺到入決賽，就代表一定有牌攞，經已心滿意足。
上期〈畢賭翁〉揀拉科魯尼亞個平手盤，結果贏埋特內里費，話咗升班馬好難開季主場3連勝，帶挈本欄連贏8期。
今個禮拜其實有好多心水，穩陣嘅揀捷克單W可以幫到你，1.55倍W咪嫌少啦；進取嘅玩「讓球」，要英格蘭上盤。
文：畢傑
近5場往績：WWWWW
主客和：捷克勝
心得：波蘭門將杜迪克雪到硬晒