鄧萃雯、曾志偉及鄭嘉穎等前晚到灣仔出席頒獎禮，對於近日陳法拉在《有營煮婦》中除剩胸圍被圍剿後，她聲稱雯女也試過在鏡頭前除剩底衫，前晚雯女得知被拖落水即大反應說：「關我乜事？一個演員好被動。」
鄧萃雯、曾志偉、鄭嘉穎、謝安琪及張敬軒等一班藝人歌手前晚到灣仔君悅酒店出席「屈臣氏健康美麗大賞2009」，到場嘉賓個個盛裝赴會，當中以穿上谷胸晚裝的楊洛婷最惹火，不過憑無綫熱爆劇集《巾幗梟雄》中「四奶奶」一角而人氣急升的雯女也毫不示弱，穿上紫色露背裝示人，顯得明艷照人。
宜加家長指引
近日陳法拉在劇集《有營煮婦》中在鏡頭前兩度除剩胸圍而被網民圍剿，廣管局事後接獲多宗投訴，無辜被插的法拉接受訪問時卻扯雯女落水，指雯女也試過在鏡頭前除剩底衫。前晚雯女初聽到時即大反應說：「關我乜事？」其後才說：「一個演員好被動，拍時會問出唔出得街，如果公司話得就OK，其實好小事，加番家長指引。」
擔任健康食品代言人的鄭嘉穎就代表廣告商出席活動，對於有否推介健康食品給緋聞女友佘詩曼時，他即說：「又係呢啲話題，唔講，有冇啲新話題。」至於今年視帝視后，男主角他就看好黎耀祥，女主角方面他就表示要欣賞過阿佘有份演出的《宮心計》才可作準。
志偉撐周秀娜
此外，對於周秀娜到科大出席講座而被狂插問非所答，曾志偉抵死地說：「係咩？呢啲咪高手，咁先高，乜都唔識答，可能佢人生經歷唔多，有啲學生大過佢，令佢有一定壓力，其實科大搵佢都要考慮佢識唔識答。」
採訪：胡比
攝影：陳慧安