近排衞蘭（Janice）有一個夢想，就係想考完車牌之後有架家庭車作獎勵，噚日佢出席尖沙嘴舉行新車發佈會，仲為新車錄咗首新歌任由大家下載。Janice啱啱考完筆試，家安排緊時間考路試，車行負責人應承Janice搵專人教佢應付路試，仲有機會完成佢做車主嘅願望。
避談關楚耀
Janice希望第一架車係家庭車，因為可以載屋企人同朋友周圍去玩，講到不如叫老闆黎明送車，佢就話唔好，要自己勤力賺錢買滿足感會大啲。日前為廣東碟影咗封面，Janice話會畀大家驚喜，問到係咪性感相，佢笑笑口話唔講得住。而Janice新碟仲欠一首歌就完成，預計12月底推出。另外Janice會拍戲，所以家努力背劇本，佢話劇本已經譯成英文拼音，家要諗吓點樣去發揮角色，呢部戲係同JaniceMan（文詠珊）一齊演出。講到妹妹衞詩男友關楚耀可能明年復出，Janice話未聽過，而且唔好影響噚日活動宣傳，所以不便講太多。