睇波冇愛恨就冇激情，唔介意人家話我呢個意大利躉記仇，睇見丹麥同瑞典要打生打死，有啲心。
計數屈死人呢瓣，意大利人以前做得多，所以曾出現廿幾年國際賽錦標真空期，係抵死嘅；北歐雙雄喺04歐國盃合演場2:2，夾走意大利之後，兩隊近年國際賽都冇好下場，可見作不義之舉必有報應。今夜丹麥對瑞典唔可能再雙贏，和波對丹麥好，但對瑞典一啲好處都冇。照秤實力，擺明係兄弟波，甚至乎瑞典個別球員嘅質素更高，完全唔信丹麥有資格讓波。講句私人嘢，北歐孖寶唔會一齊快樂，區區嗰對啱啱過咗15歲生日嘅孖女表妹就肯定一齊快樂，happybirthday！
文：藍鑽石
近5場往績：WWWLW
讓球：瑞典（下）
心得：「宜家」唔買等幾時？