喺國際賽，就算你貴為全球身價最高嗰幾位球星，有時都身不由己，控制唔到球隊嘅命運。若論教練，好多人覺得國家隊教練係筍工，悠閒得可以；人生有得揀，當然好。今天捧我認為世界頂級中嘅頂級教練、軒迪克帶領嘅俄羅斯，掃走德國，博到首名出線世界盃決賽周。
有口痕友話車仔上周技術性擊倒利記，唔關安帥事，仲笑話隊波有咁嘅人腳，搵任何人教都贏啦！肥安有冇料，今天暫且不表，若計戰功，佢上手嘅軒迪克肯定唔係最勁嗰幾位，但講到神奇，無出其右。
之前軒帥教到南韓同澳洲國家隊曉飛，轉戰冰封俄國，上年都入到歐國盃決賽周準決賽，敗喺最終冠軍西班牙腳下，無話可說。跟住又受到全球其中一位最難服侍嘅老細阿巴賞識，叫佢做替工，替車仔救亡；結果攞到個英足盃冠軍，主動告退離開英超返俄好頭好尾。咁有情有義，又高到唔使受老闆氣，可全身而退，就算去到頂級教練嘅級數，能有幾人？
俄羅斯今喺人造草迎德國已可踢高半班，論決心及實力也無懼對手；最重要有位身價同人工都被低估嘅隊長艾沙維領軍，上盤少讓絕對博得過。其他雞肋嘅國際賽熱W本欄興趣不大，要博好分，寧取爭緊冠軍嘅巴甲聖保羅同國體會。（下次見報日：下周一）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六19俄羅斯（上）（2.02）
星期六40聖保羅勝（2.6）x星期六45國際體育會和[-1]（3.55）2x3
簡評：刪除國際賽冇肉食場次，好分轉博巴甲