杜琪峯03年為電影《大隻佬》執導期間，資深特技人陳碩為片中的印度籍演員做替身時墮地受傷，陳事後向杜琪峯任股東的銀河映像索償，結果前日高院裁定銀河映像向陳碩賠償79萬。
「考慮上訴」
阿杜昨日出發往韓國釜山電影節，有關賠償事宜，他說：「今次用咗300萬打官司，要賠70幾萬，又要比堂費，夾埋要畀700幾萬。呢件事令我好痛苦，今次輸咗唔知道理喺邊度，自己會打到底，考慮上訴。我好擔心呢個case開咗案例，香港電影人好難做落去，公司員工可以買保險，但替身就唔受（保險），我間公司呢10幾年嘅錢嘔番晒出嚟，一鋪清袋，所以我想打到最後一滴血都打落去，遲啲我要同律師傾上訴嘅事。」
採訪、攝影：魯萍