江若琳（圖）同鄭融噚日到尖沙嘴為首飾品牌ctf2行騷，江若琳自爆有追求者曾經送上一隻星形嘅碎石鑽戒畀佢，但佢覺得同呢個追求者冇將來，所以冇要到，佢話：「如果遇到真命天子，我就唔會着重鑽石嘅大細，係講誠意。」至於病住嚟行騷嘅鄭融就一臉倦容，佢話冇收藏首飾嘅習慣，但佢嫲嫲同婆婆就有留番啲耳環畀佢做傳家之寶。