鄭秀文（Sammi）昨日到新城電台宣傳下月推出的福音碟以及12月舉行的演唱會，Sammi透露日前已拍攝演唱會海報，當日她要穿上一件非常貼身的上衣，她說：「我從來未着過一件咁緊嘅衫，緊到要用好犀利去形容，個造型師都叫我有咁弗keep咁弗，因為一着咗成身線條無所遁形。
「辣身舞太Out」
Sammi又指演唱會上不會有辣身舞，她說：「辣身舞太out啦，總之我會有啲新嘢畀大家睇，至於嘉賓仲度緊，我心目中冇一個特別想請嘅嘉賓。」問到Sammi會否擔心體力應付不來而減少唱快歌，她說：「唔可以呃觀眾，大家入場都係想聽我唱快歌，今次我用咗5個月去籌備。」
採訪、攝影：魯萍