呢個禮拜港股重現強勢，4日加埋升咗1100點有多，雖然成交唔算大，但走勢就好對辦，如果今日A股重開生生性性，港股可以繼續睇好，到時成交應該會增加。
噚日六行三保繼續炒上，加埋隻滙豐控股（005）造好，恒指升咗251點，今日要繼續睇實啲強勢股。
建行C輪17375：建設銀行（939）昨收6.50元，升0.46%。噚日升幅雖然細咗啲，不過成交金額就係第1位，有壓價收貨手影，後市炒上嘅動力唔可以睇小，買啲C輪17375，博正股炒上。
隻輪現價50仙，2010年1月18日到期，行使價6.53元，溢價8.1%，引伸波幅37.8%，有效槓桿6.9倍，正股升上7.20元，17375睇94仙，正股跌穿6.25元，就沽咗隻輪止蝕。
俊樺