年近70歲的盧海鵬憑亞視扮嘢節目《香港亂噏》升呢，前晚他獲林寶堅尼接載到尖沙嘴演出商場騷，又有性感女舞蹈員伴舞，更與組合24味合唱《激光中》，搶盡風頭。
盧海鵬、24味和何超儀前晚到尖沙嘴擔任商場的表演嘉賓，憑亞視扮嘢節目《香港亂噏》而人氣急升的鵬哥明顯升呢，更獲大會厚待乘名車林寶堅尼到場，地位超然，不過鵬哥似乎不習慣坐跑車，他落車時顯得十分困難，幸好大會安排了數名性感女舞蹈員為他伴舞，享盡艷福。
彈林寶堅尼唔好坐
擔任嘉賓的鵬哥在場與24味大唱羅文經典歌《激光中》，反應十分熱烈，鵬哥憑其扮嘢本領迷倒現場不少年輕人，笑爆全場，眾人又大呼安哥，搞到年近70的鵬哥抵死地說：「嘩！羅文翻生都死啦，同你哋班o靚仔玩，好彩佢死得早，再玩我心臟頂唔住，我要唞一唞！」
事後鵬哥接受訪問時笑言未坐過林寶堅尼，事前亦不知道有靚女為他伴舞，對於坐住型爆跑車到場的感覺，他卻大潑冷水說：「嘩！架車好行，成日想行得好快，但又唔得，而且座位又凹落去，好難落車。」
鵬哥否認今次酬勞有加碼，更大彈大會安排的服飾不夠貼心，他說：「其實我都矇查查，見高興先接呢個工作，不過件衫好窄，因為我肥咗，爆呔就唔會，但背心就扣唔到鈕囉。」鵬哥亦透露早前已與亞視續約。
至於被鵬哥搶盡風頭的何超儀雖然老公陳子聰都在場，但她毫不留情直言十分期待鵬哥的演出，指鵬哥是殿堂級歌手，自己由細睇到大，她說：「老公成日都見啦，自己好想同鵬哥合唱，好記得佢同阿燦扮達明一派唱《壽頭記》。」
《香港亂噏》周日復播
提到賭王父親何鴻燊的病情，超儀表示前日探父親時有與他傾偈，而四房女兒何超盈日前接受訪問時表示與何家幾房人關係和睦時，超儀就說：「係咩？咁咪好，我都覺得OK。」
此外，鵬哥早年在無綫時與吳麗珠合作無間，亞視後晚將復播每周日晚一集的《香港亂噏》，特別加入新成員吳麗珠，希望她跟鵬哥再擦出爆笑火花，該節目今晚便會錄影。
採訪：胡比
攝影：陳志嵐