李蘢怡（Tiffany）、Soler大孖Julio同楊愛瑾噚日喺葵涌海關大樓會所，出席港台劇集《海關故事》啟播禮，以一件紫色雞翼袖鬆身背心示人嘅Tiffany忽然凸點，成為全場焦點。
事後Tiffany話件衫係公司幫佢借，佢事前有睇過相，但唔知質料會咁薄，雖然佢喺髮型屋換衫時，已經知道件衫有問題，但因當時冇時間再換衫，為免遲到，所以佢唔理咁多，佢話：「都冇辦法，總之知自己唔係就OK，唔好話公司跣我，自己因為着咗個有蝴蝶圖案嘅胸圍先咁啫。」
Julio鍾意戴手銬
此外，Julio喺《海》劇中扮演走私犯人，仲俾人拉同戴手銬，佢話拍嗰時好興奮，因為知道現實中係唔會有咁嘅事發生。對於細佬Dino年底結婚，Julio話到時預咗同細佬頂酒被玩，佢話：「到時會有接新娘環節，亦都有遊戲玩，自己幾難食嘅嘢都試過，最好唔好考中文啦。」