古天樂昨日以聯合國兒童基金會大使身份，到尖沙嘴玩具反斗城出席慈善活動，古仔緋聞女友、台灣女星大S徐熙媛早前於香港拍戲兼過生日，問古仔有否與她慶祝，他說：「自己都要開工，同埋都唔知佢生日，家拍緊《鎗王之王》，之前要去學射擊，都好有興趣。」
萬聖節派糖
古仔將於本月21日生日，問如何慶祝，他說：「暫時未知有冇假放，都係同屋企人慶祝。」古仔在現場為不少萬聖節造型打扮的小朋友拍照，他說：「每年都好多小朋友扮到好恐怖，扮殭屍、木乃伊嚟我屋企拍門，我都準備好多糖畀佢哋，爹哋媽咪都會同佢玩埋一份，如果自己得閒，嗰日唔使開工都會扮嘢應節，當然要遮埋眼耳口鼻，等佢哋認唔到我。」
採訪、攝影：LawWaiMan