雷曼苦主抗爭長達一年，有好多人血本無歸，堅持向政府要求追究銀行，十幾個買咗渣打結構性產品嘅苦主，聽日下午1點開始，一連兩日喺政府總部西座地下紮營示威，點解示威地點由立法會轉移陣地至政府總部西座？
有發起人同八方解釋，咁做其實係想搵財經事務及庫務局局長陳家強陳情，事關苦主約咗佢N咁多次，但佢N次都係以公務繁忙為由拒絕會面，所以苦主決定喺佢返工出入口舉banner，希望儍強局長唔好當班苦主冇到。
早前綠色和平進入政府總部西座示威，顯示保安有漏洞，因此苦主紮營令相關部門好緊張，據講會密切監視動靜，有甚麼風吹草動，相信會隨時出手做嘢。