無綫同新西蘭中華電視網早前合辦嘅《2009紐西蘭華裔小姐競選》，邀請咗郭晉安（左一）同謝天華（右一）做表演嘉賓，同眾佳麗載歌載舞。現場11位候選佳麗經過才藝表演同問答環節大比拼後，最終由6號張滿贏（中）勇奪冠軍，11號林依靈（左二）得亞軍、最佳潛能模特兒大獎及友誼小姐，季軍兼最上鏡小姐係1號葉青新。