【本報訊】高錕96年離開中文大學後，退而不休，03年分別出任壹傳媒獨立非執行董事及創辦弘立書院，但09年患上老人癡呆症，無奈辭去所有職務，離港赴紐約定居。
今年初身體轉差
《蘋果日報》社長董橋表示，高錕87年出任中大校長，他擔任高錕助理，負責撰寫演詞等工作，共事短短六個月，覺得他是一個「非常好的人」。董橋其後任職《蘋果日報》，03年力邀高錕出任壹傳媒獨立非執董，「佢做事好認真，所有文件都睇得仔細。」
董橋說，高錕的學術成就非凡，更重要是那份為人的態度，「厚道、認真，係一個做事態度一絲不苟嘅儒雅學者。」今年初高錕身體轉差，記憶力不大如前，文件看得很吃力，不得不辭任，「佢離任，好可惜。」
壹傳媒副財務總裁周志權表示，他在高錕身上學會認真，「佢每次開會都好準時，睇晒所有文件。有次喺中環開會，佢匆忙得滯，搭的士趕嚟仲唔記得帶銀包。」
高錕03年創辦弘立書院及擔任校董會榮譽主席，弘立創校校董黃惠菁對高錕獲獎感「好開心」，「唔止係書院開心，係全港香港人、全中國人都開心。」她直言高錕很有前瞻性、想法大膽，「我哋小學生學科學，佢認為唔應該單係靠本書，於是大力推動『探索科』，由學生主導。」
黃惠菁形容高錕平易近人、沒有架子，「佢睇嘢好唔同，我哋搞學校，一開始諗用乜教科書，佢話世界無奇不有，唔應該俾本書框住，要我哋先諗教乜嘢，先再諗書。」
與高錕一同創辦弘立的港大校長特別顧問程介明說，高錕無架子，與任何人都合得來，對他得獎感到非常高興。