西九文化區規劃諮詢明日展開。政府之前公佈花2.3億元，禮聘三間國際級建築師事務所，做文化區概念圖則顧問，包括英國建築大師NormanFoster（當年天幕設計者）、荷蘭著名建築師RemKoolhaas及本地名建築師嚴迅奇嘅事務所。政府出手咁闊綽，有冇成效仲未知，但本身係西九董事局成員「進念．二十面體」藝術總監嘅榮念曾，就嫌價錢太貴。
榮總噚日出席樹仁大學講座時，分享對西九文化區嘅願景，佢話引入呢三間知名建築師事務所，可以為西九引入國際意念，但係咪要咁多錢，認真值得商榷。佢又話政府講多過做，日後公眾要多啲出聲，等唐唐可以effective啲，德成局長可以responsive啲。