【本報訊】一部的士及一輛私家車昨晨在元朗轉彎時，疑因的士切線兩車發生相撞，私家車繼而失控衝上行人路，猛撼一棵大樹車頭毀爛，女司機及的士男司機同受輕傷。私家車更將一輛鎖在大樹前單車撞至扭曲變形，單車女車主事後到場大發雷霆，情緒激動聲稱要追討賠償，卻被行經老翁一言驚醒：「睇架單車撞成咁，好在當時冇喺度攞車，如果唔係實撞死你啦……」她聞言隨即心平氣和離去。 記者：區恩傑
昨日清晨6時許，36歲姓池女子駕駛豐田Corolla私家車，沿屏會街慢線右轉入媽橫路往屯門方向時，一輛由51歲姓鄭男子駕駛空載新界的士，同時從快線右轉往同一方向。兩車從屏會街右轉入媽橫路後，的士疑企圖切入慢線，卻失控撞向左邊之私家車；私家車繼而失控衝向左邊行人路，猛力撞向路旁一棵高8米、直徑半米的大樹。
現場消息稱，一聲巨響後私家車車頭嚴重凹陷，一輛鎖在大樹前的單車當場被撞至扭曲變形；意外中，兩車男女司機同受輕傷，送院敷藥後無礙出院，他們均通過酒精測試。
「好在你冇喺度攞車」
意外發生後10分鐘，單車女車主到場取車時，赫見愛車被撞至嚴重毀爛，她情緒激動聲稱要追討賠償。「慘囉！架單車撞成咁，一定要追究，一定要佢賠呀！真係凄凉！」
女車主望着爛單車忿忿不平，一名老翁行經獲知意外經過後，好言相勸：「睇架單車撞成咁樣，好在你當時冇喺度攞車，如果唔係就實撞死你啦，咁好彩，你要劏雞還神！」女車主聞言似有所領悟，靜靜離去。