花旗服務業數據轉好，刺激道指上升112點，帶挈港股噚日反彈近400點收市，恒指昨收20811，靠近21000關，不過可唔可以再上，仲要睇花旗股市點走。
睇番呢兩日嘅市場消息，美股似乎想炒上，美國鋁業今晚收市後公佈業績，到時應該會有多的啟示。
富士康C輪17379：富士康（2038）昨收5.33元，升4.5%。股價昨升破50日線收市，成交多番，升勢應可持續，升破5.85元睇6.30元，可以諗吓隻C輪17379。
隻輪現價21.5仙，2010年9月29日到期，行使價4.58元，溢價26.2%，引伸波幅91.3%，有效槓桿1.8倍，正股升上6.30元，17379睇28.9仙，正股跌穿4.90元，就沽咗隻輪止蝕。
俊樺