月前重出江湖再出唱片嘅趙學而，前晚同一個男性朋友喺灣仔行街街，冇化妝嘅學而戴住副粗框眼鏡，沿途都冇乜人認得出佢。之後學而走去櫃員機㩒錢，佢個男性朋友就成個bodyguard咁企喺學而身後，左望右望，唔通學而巨額提款，所以朋友要幫佢住免得被人搶錢？㩒完錢後，學而就同個男性朋友拜拜，然後自己一支公搭的士走人。