周二凌晨場英超賽前俾外界視為改朝換代重要指標之戰，結果朝代未改，卻睇到李察鄧尼（RichardDunne）被看扁後嘅精采演出；小弟又進一步確認到曼城嘅弱點，捱夜都抵。被人看扁從不要緊，最緊要識發放正能量，今天本欄首捧日乙大魚腩櫪木SC，作客另一弱旅岡山綠雉，平手盤高水，波友夠唔夠膽跟？
只見全場不苟言笑嘅曼城棄將李察鄧尼，一夫當關，唔只為新東家維拉頂入角球，之後幾乎石破天驚梅開二度；一掃上仗完場前犯手球害球會敗走布力般嘅頹風，更極有風度入球不慶祝以示尊重，呢個「李察」威番鋪喎。
反觀艾迪巴約停賽復出後無甚佳作，射門寥寥，頂多助攻比拿美入波咁大把，但見佢全場喺鏡頭前儍笑，難為佢老頂曉士孭住隊油元兵團，場場想贏，喺場邊喊破喉嚨。個人認定曼城嘅弱點係中場聯繫及創造性不足，遇上對手中後場屯重兵打密集，巴利唔係謝老四及鐵人林柏特嘅級數可扭轉大局，唔通老細又要開支票畀曉士下年初再入貨？
串射仙台聖保羅
好嘞，今天主題，捧本欄長期看扁嘅日乙櫪木SC，近1月有起色，已擺脫包尾污名；今天作客對尾3嘅岡山綠雉，日乙冇降班踢快樂足球，可放開懷抱一拼，水鬥水，賠率行先；另補一條名牌過關，仙台維加泰炒冇得救嘅FC橫濱同爭巴甲冠軍嘅聖保羅鋼W。
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三3櫪木SC（平）（2.08）
星期三7仙台維加泰勝[-1]（2.2）x星期三19聖保羅勝（1.5）2x1