歐聯效應果然厲害，說強豪體力消耗大又好，輪換制下收起主力又好，上周聯賽如曼聯、國米、巴塞、皇馬、祖雲達斯、馬賽、波爾多及禾夫斯堡等銀行隊，非失分收場，就是輸盤累及捧場客。
曼聯似乎看不起新特蘭，上半場踢來欠活力，原本屬睇定對手嚟食，反變被「黑貓」牽着鼻子走，節奏亂晒。大勇的傑斯全場被收起，換來與那邊廂西甲有C朗因傷避戰的皇馬，落得同樣下場（失分）。里昂開「客勝」實算異數，世間邊有咁好彩，場場有對手失射12碼？當然，總有像阿仙奴這些正氣球隊。
嚟緊屬國際賽檔期，各隊主力又要「服兵役」；記憶所及，近年通常國際賽後各地重開的聯賽，強隊贏盤率同樣一般。小弟深明賭仔手痕這恨賭心理，每場落注玩番多少，過買波癮的球迷確實不少；不過提醒大家賭錢是為贏錢，長賭必輸這句話幾時都咁啱。
在此建議今輪國際賽後重開的一周聯賽宜忍手，重整思緒及留意各隊狀態後，再出手也未遲。
畢傑
本報名家
電郵：mailto:[email protected]
逢周二、五見報