謝安琪（Kay）在新片《死神傻了》中與許志安演一對夫婦，她覺得本身已婚與家庭狀況對今次演繹角色有幫助，Kay說：「我會了解到有另一半的狀態係點，我同安仔好投契，其中有場戲講我要打佢個嘴，睇落好似好簡單，但個心好過意唔去，拍時手心出晒汗。」
廁所嚎哭有難度
雖然一直有傳Kay與丈夫張繼聰感情出現問題，但Kay就強調夫妻感情很好，而且從來不會吵架，她說：「我由細到大都好難會發火，就算有乜事，最多唔出聲畀自己冷靜下，所以一直以嚟同老公感情都好好，我哋未鬧過交，有場戲導演要我喺廁所度嚎哭，其實同我本身性格唔係好啱，所以我要諗好多嘢去醞釀情緒，好彩最後都成功達到導演要求。」
採訪、攝影：魯萍