隔牆有耳:星期五免費「公投」 - 李八方

隔牆有耳:星期五免費「公投」 - 李八方

10月9號係世界郵政日,香港郵政連續第六年與眾同樂,嚟緊星期五畀巿民免費寄一封信。一年一次嘅機會,八方當然唔會放過啦,咁封信寄畀邊個好呢?趁早寄畀聖誕老人問佢攞禮物好,定係好似中學生鄭詠欣咁寄畀總理溫家寶,問佢點解要拉劉曉波呢?
香港郵政就話統統唔得,因為封信只可以寄本地,重量唔可以超過50克,唔可以寄掛號同速遞,禮拜五嗰日除咗兩間流動郵政局之外,其餘全線郵局會有特別投寄箱,只要放封信入去,收信人第二日就會收到!唔知有冇人寄信畀煲呔,問佢究竟幾時有普選呢?