喺國際貨幣基金組織年會前夕，我哋祖國財爺謝旭人（圖），俾英國《新興市場》雜誌評為本年度「亞洲最佳財長」，係繼05年金人慶後，再次由中國人獲得呢項殊榮。
助世界復蘇 祖國有貢獻
謝部長憑咩跑贏其他財長？本雜誌話係因為過去一年，中國及時採取積極財政政策，有效促進經濟增長，亦都為世界經濟復蘇作出咗貢獻。
咁謝部長有乜得獎感受呢？佢話金融海嘯爆發後，中國政府及時果斷調整宏觀經濟政策，實施積極財政政策同適度寬鬆貨幣政策，上半年GDP又實現7.1%按年增長，充份表明中國政府應對金融危機嘅政策同一籃子計劃係work嘅！
佢仲話，全球經濟全面復蘇將會係緩慢同曲折，中國經濟企穩回升嘅勢頭仲未穩定、未鞏固、未平衡，因此中國會繼續以保持經濟平穩較快發展為首要任務，會堅定不移繼續實施家嘅政策。簡單啲講，即係「我做到嘢」囉！