內地股市放假，港股悶到暈，話就話升咗53點，但係成交唔夠440億元，都係塘水滾塘魚嘅格局，完全冇睇頭，如果花旗股市冇乜啟示，港股會繼續大牛皮悶局。
呢個禮拜花旗股市進入業績公佈期，消息會多番啲，按嗰邊傳媒嘅報道，市場對業績嘅睇法似乎偏好。
中電信C輪17586：中國電信（728）昨收3.54元，升1個價位。過去3個禮拜股價走勢幾差，不過呢兩日喺低位有反彈迹象，有機上試3.80元，可以諗吓隻C輪17586。
隻輪現價15.5仙，2010年2月1日到期，行使價4.20元，溢價23%，引伸波幅45.7%，有效槓桿6.8倍，正股見3.80元，17586睇24.6仙，正股跌穿3.43元，就沽咗隻輪止蝕。
俊樺