雖然數碼通（315）09年度全年純利大跌85%，賺得嗰4245.6萬銀，但第一把交椅CEO黎大鈞（圖）都有人工加，睇佢哋噚日出嘅年報，黎總裁全年出糧1279.5萬，比上一年加咗161萬人工，但係另一執行董事陳啟龍就減咗79萬。
多161萬蚊
睇真啲，原來兩位高層基本嘅薪金及津貼有加到，只係喺花紅一項先係一加一減。
咁點解黎總裁有人工加？本年報並冇解釋，但係華華估計，黎總裁本身已經鬼咁多嘢做，先排仲要「粉墨登場」扮顧客，走去消委會同電訊管理局投訴對家CSL上網速度同廣告所講不符，無厘頭「加辛」，咁或者就「加薪」啩！家陣呢個世代，打工真係唔容易。