北歐波喺香港從來都唔係大茶飯，時間同歐洲主要聯賽相近；加上冇直播提供，波友閒日好似今天或者暑假，才會多望兩眼；早幾年芬蘭波更屢傳打假波，致使足智彩至今都唔敢涉獵呢個聯賽。今天場矚目瑞超波，剛在英超大戰開波前兩小時，我取加爾斯勝[+1]，望先贏一注。
大家有留意早前電視體育新聞片，都會知道北歐波近期出咗隊全球皆識嘅風雲球隊哥登堡，事緣佢哋個丹麥門將甘基斯甸臣，蠢到賽前蓄意踢門柱收窄門框，但唔知道其實龍門後裝咗攝錄機。
哥登堡少失波靠出術
佢已承認唔止一次咁做，呢個醜行家波友皆知，從球隊今季主場守力超強，12戰只失6球，可見呢招使得。有時真係唔明啲人係咪諗壞腦，正經事唔做好，一味喺後面搞咁多小動作，自討苦吃事小，連累球隊事大，應予重懲。
好奇怪，哥德堡被揭醜行後，上仗作客即輸，同AIK蘇納喺最後直路爭霸處下風，加上今晚對加爾斯屬首都打吡戰，呢類波勿重排名去衡量勝負；何況哥軍鋼鐵防線靠出術，呢場先攻加爾斯受讓[+1]。另近期挪超因大局已定，入球數量大減；反而瑞典波反常往往鬥攻開「大」，見莊家開出今場入球「大」得1.75倍，似也認同近勢比對賽更具參考價值；串射維拉「細」，曼城唔會好似上仗對韋斯咸咁，任射任入了。
（下次見報日：周三）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期一5加爾斯勝[+1]（2.15）
星期一5哥登堡大（1.75)x星期一9阿士東維拉細（1.8）2x1
簡評：澳職波近期難賭，宜攻後段場次