參演楊凡新片《淚王子》嘅台灣女星關穎，早前以性感裝束為雜誌影相，佢接受訪問時話父母雖然好保守，但對佢嘅任性都好包容。原來關穎好鍾意同朋友去玩，有重感冒都要去夜店蒲，就算第二日要出國參加影展佢都唔會理，佢話寧願犧牲瞓覺時間，都唔想犧牲去玩同工作時間，有時周末冇節目，貪玩嘅佢都要捉埋班朋友去快餐店坐吓。