梁詠琪（GiGi）昨日應「願望成真基金」邀請，到機場出席「飛常WeWa南瓜村」開幕禮，她表示12年前曾探訪一名癌病兒童，她說：「當時個小朋友想我帶隻公仔同埋唱歌畀佢聽，探完佢我喊咗一場，我好心痛佢要受病痛折磨。」
借克勤過橋
GiGi前晚張揚會到李克勤家慶中秋，不過最後甩底，原來她與法籍男友Sly過二人世界，她解釋：「因為嗰日中午做嘢太曬，之後暈暈哋咁咪唔去，後來同男友食完飯就返屋企，累到啲狗仔隊去晒克勤屋企，真係唔好意思。」
GiGi透露近日學煲湯，問到男友有否品嚐過？她笑言：「佢應該飲羅宋湯。」當記者笑她為結婚作好準備，GiGi表示：「唔關事，女人應該要識煲湯。」
採訪、攝影：林妃