第4季第1個交易日，港股大幅下挫，恒指跌穿50日線，技術走勢睇落幾淡，但係成交細未能作準，港股即使再下跌，幅度應會收窄。
不過，恒指10日同20日線阻力唔細，入市嘅策略不宜太進取。此外，美股已經跌到重要支持位，留意可能會出現顯著反彈，帶來短炒機會。
中石化C輪16799：中石化（386）上周五報收6.37元，跌3.33%。股價正下試100日線，與8月低位相近，若守穩，有機會出現雙底反彈，可以諗吓隻C輪16799。
隻輪現價99仙，2010年6月7日到期，行使價6.28元，溢價14.1%，引伸波幅44.8%，有效槓桿3.8倍，正股升上7.20元，16799睇1.53元，正股跌穿6元，就沽咗隻輪止蝕。
俊樺