公用股穩健，不過盈利增長多數冇驚喜，除非有其他盈利高嘅業務經營。好似煤氣（003）及港鐵（066）就係公用股表表者，兩者都兼營地產項目，其中港鐵憑車站上蓋發展物業，被人形容為「半隻地產股」，甚至係全港最大地皮供應者。
港鐵近期最矚目新聞之一，就係在北京參與合資營運嘅北京4號線最近通車。管理層預期，該項目在第三年，即係2012年開始有盈利。不過由業務角度睇，吸引力一般，如果他朝港鐵佔49%股權的京港地鐵，能成功爭取到北京地鐵可發展上蓋地產項目，咁就真係「肥仔」咯！
守25.5元可吸
港鐵今年下半年可入賬的本港售樓收益都唔少，計有「銀湖．天峰」及「領都」幾座，業績估計唔會差，不過近期市況轉弱，港鐵買貨不宜心急，候股價回至25.50元水平守穩才買入，中長線目標35元。
方星俠