以前打生打死水火不容互插，人漸老，知世情常變，為啖氣拗嚟盞傷身；何不識英雄重英雄，球場外碰杯，好過咁肥膩請你食薄餅。我為荷蘭名將伯金出神入化嘅射術驚嘆多年，但對矮腳虎、車仔名宿蘇拿也敬重，今天捧後者領軍嘅韋斯咸，擊敗倫敦鄰會富咸脫困。
雲格度過領軍兵工廠13年，各方客套恭賀說話湧至，球員當佢再生父母甚至係神，行家尊崇佢老人家在英國甚至世界球壇建立嘅地位；連以往積怨甚深嘅費爵爺也肯定雲格喺阿仙奴「場場坐爆」嘅成就，其實大家也明知，呢個世界根本唔係有你冇我，後來者賓帥、肥安同越嚟越型嘅曉士越追越近，唔做好自己，你估真係唔怕衰收尾咩！
鬥志盛唔似降班格
雲格早年成就，有部份得力於唔係佢買番嚟嘅伯金，失意國米後在英超大放光芒；伯金與較雲格後1個月登陸英超車路士嘅另一意甲兵蘇拿，成為英國人打破門禁，全面引入高質外援嘅先鋒。
如今蘇拿重返英超執韋斯咸教鞭，限米煮限飯；而且今屆人腳變動略多，季初成績唔好係意料之中。不過敗走曼城表現唔錯，只係對手唔同班；今返主場，對9日踢3場兼班底單薄嘅富咸，係時候繼揭幕戰後再響勝門，睇班波所打出嘅強盛鬥志，同蘇拿當年踢波風格相似，點睇都唔似降班格！
（下次見報日：周一）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日34韋斯咸勝（2）
星期日1川崎前鋒勝（1.9）x星期日4大阪飛腳大（1.62）2x1
簡評：賭英超前，先賭日聯列強也不錯