是咁的，今年3月，YouTube交響樂團正式成軍，開啟了網絡交響樂團這扇大門。一班高登網友，放下手中花生，執起古典樂譜聚首一堂。繼改圖組、爆破組後，高登大軍再添新成員，他們是「香港高登交響樂團」。
開post吹水變認真
「呢個名係要紀念我哋呢個團嘅源頭。」幹事之一的阿Jan說，這個平均年齡不足20歲、成員約有50人的樂團於今年4月成立，並已向警方正式註冊為社團。樂團源於高登一個吹水帖，「YouTube樂團成立後，有人開Post問高登可唔可能自組一隊樂團，結果吹吹吓就認真，反而個發起人自己潛咗水。」
網民多屬一盆散沙，樂團人腳隨意組合，基本要求為年滿16歲、演奏需達5級程度以上。「試過之前有位朋友真係好有心，不過佢只係樂器初學者，完全冇級，好難跟上節奏，我哋只可以請佢離開。」幹事Gogo無奈道，現時樂團有很多弦樂好手，8級以上的鋼琴師更多得要淘汰，但銅管及木管部份卻叫他們很不安，像千秋王子般的優雅總指揮更是難求，「冇計，阿爸阿媽通常都叫仔女學鋼琴、小提琴，有幾何見人玩巴松管！」
成立至今，樂團利用高登與msn組織了3次綵排，由虛擬世界走到現實世界，一班志同道合年輕人很快便混熟，並按照大家興趣，合奏過《仲夏夜之夢》與《結婚進行曲》，不過在休息時間，樂團成員靈魂回歸高登吹水台，這邊幹事Henry正用鋼琴彈着《EVA》主題曲《殘酷的天使綱領》，那邊廂弦樂部正練習《我的野蠻女友》主題曲D大調卡農，各自各精采。
萬事起頭難，阿Jan說希望更多人認識高登樂團，「我哋財力有限，租場練習都要團員自己科水，我哋唔求賺錢，只想收支平衡，或者有能力添置一啲共用樂器好似定音鼓，最希望係有演出機會。」他們的目標，是成為業餘專業樂團，像香港著名的小交響樂團般。
萬聖節死士籌款
萬聖節嘩鬼出籠，樂團亦決定於當日籌組「死士計劃」，走到尖沙嘴海旁作街頭表演及籌款，離開派膠賜酒聖地，面對被起底與嘲笑的心魔，老老實實，他們真的在玩命。記者夏志禮