上月盟主
上個月又得到各位戰友讓路，僥倖蟬聯盟主之位，今個月又喺呢度同大家見面，希望唔好嫌悶。
上周命中波爾多W，連1:0波膽都中埋，佢哋仲做埋榜首，既然貼法國波順，當然順住個勢再貼，周日圖盧茲主場對羅連安特，博主W之外，又敲「讓球主客和」「和局」同1:0波膽。
圖盧茲靠主場搵食
圖盧茲呢支法國兵主場認真唔講得小，上季踢咗19場只係輸過一場，今季開「咧」兩場勝仗都係靠主場；當然今季分心歐霸盃，戰績就有啲下滑；不過上場聯賽可以作客領先里昂半場，到最後都只僅負一球，表現有晒交代，周中歐霸盃亦只係補時階段失波，未能取得連勝，不過分組出線相信問題不大，呢期點都集中番落聯賽度。
羅軍作客兩連敗
連番征戰，原本對唔少球隊都不利，不過圖盧茲勝在主力年輕力壯，基格納、穆沙施素高、伊天卡普爾位位處於當打期，其中上季法甲最佳球員穆沙施素高，更加連續3仗有波入。
羅連安特喺法甲都算係幾難捉路嘅球隊，有時睇好就贏唔到，作客強隊又成日攞到分；不過之前作客已經連敗予摩納哥同里昂腳下，轉路都唔定。
加上羅連安特有耶耶迪安尼、曼蘇里、祖費爾等傷兵，博佢哋作客3連敗，揀個主W外，求賠率當然要3.25倍嘅「讓球主客和」「和局」。
西甲到今時今日仲未有直播，小弟呢啲夜鬼十分失望；周六壓軸夜場就有唔錯戲碼，由馬德里體育會主場對薩拉戈薩，戰友畢傑兄支持「大」，我當然認同，不過我就進取過佢，博埋「總入球」5、6球嘞！
牽牛
近5場往績：WDWWL